პროექტები

                           

                                                            მოხსენების  სათაური :

           სსიპ  ჟიული  შარტავას სახელობის ქ. სენაკის მე- 2 საჯარო სკოლის მე- 4 ბ კლასში ჩატარდა პროექტ-გაკვეთილი თემაზე : „გადავარჩინოთ დედამიწა”.

         კლიმატის ცვლა ბუნებრივი სტიქიური მოვლენების რაოდენობის ზრდას იწვევს ,კლიმატზე შეიძლება გავლენა იქონიოს სხვადასხვა ბუნებრივმა ფაქტორმა :ვულკანურმა ამოფრქვევამ, მზის ნათების ცვლილებამ ,ადამიანთა დაუდევრობამ და ა. შ

  ჩვენი, ადამიანების მოვალეობაა   გავუფრთხილდეთ ბუნებას , დავიცვათ იგი ამ საფრთხეებისაგან , რათა შემდეგში თავიდან ავიცილოთ ისეთი დიდი პრობლემა , როგორიცაა გარემოს დაბინძურება.   პროექტ-გაკვეთილი მიზნად ისახავდა :                              

# გარემოს დანაგვიანების შედეგად შექმნილი საფრთხეების დასახელებას.

#  მოსწავლის ასაკობრივი ჯგუფისათვის შესაფერისი პროდუქტის შექმნას  თანაკლასელებისა და მასწავლებლის დახმარებით.

# დანაგვიანებული გარემოსადმი ნეგატიური დამოკიდბულების  განვითარება.

# შემოქმედებისა და პრაქტიკული უნარ-ჩვევის განვითარება- ჩამოყალიბებას.

პროექტ-გაკვეთილის  აქტუალურობა : პროექტ-გაკვეთილი აქტუალურია ,რადგან ხელს შეუწყობს მოსწავლეთა ჩართულობას გარემოს დაცვის პროცესში.დანაგვიანების შედეგად მიღბული საფრთხეების დაძლევასა და გათავისებას.მოსწავლეთა ჩართულობას შემოქმედებით პროცესში,ფანტაზიის უნარის გამოვლენასა და განვითარებას.

პროექტ-გაკვეთილის  შედეგები :

 ბუნ. 7  მოსწავლეს შეუძლია გარემოსადმი საკუთარი დამოკიდებულების გამოხატვა.

    ა) აკვირდება გარემოს , საუბრობს ადამიანის საქმიანობით გამოწვეულ ცვლილებებზე.

    ბ) გამოთქვამს მოსაზრებას გარემოს გაუმჯობესებასთან დაკავშირებით.

ქართ. 6 მოსწავლეს შეუძლია გაითავისოს და აღიქვას სხვადასხვა ტიპის ტექსტი

ს.გ. 3. მოსწავლე  გადმოსცემს დაკვირვების შედეგად მიღებულ შთაბეჭდილებებს.

მეთოდები და პროცესის მოკლე აღწერა :

 აქტივობა # 1  „გონებრივი იერიშის ” რუკა - „ როგორ გადავარჩინოთ პლანეტა ”(2-3 წთ.)

შესაძლო პასუხები:( გარეოს დასუფთავება,მცენარეების მოვლა, არ გავჩეხოთ ტყე, დავრგოთ ხეები, ნარჩენებისაგან გაწმენდა......)            

დავრგოთ ხეები

 

მცენარეების მოვლა

გარემოს დასუფთავება

როგორ გადავარჩინოთ     პლანეტა?

                

ნარჩენებისგან გაწმენდა

 

აქტივობა - #2 . ჯგუფური მუშაობა :(8 – 10).

            I  ჯგუფი: რა არ მოსწონთ იმ გარემოში სადაც  იმყოფებიან ?

            II ჯგუფი : როგორ ხდება გარემოს დანაგვიანება ?

           III ჯგუფი : როგორ უნდა მოვიქცეთ , რომ გარემო არ დავანაგვიანოთ ?

           IV ჯგუფი : რა უნდა ვიღონოთ დანაგვიანებული გარემოს გასასუფთავებლად?

აქტივობა # 3 . წუთშესვება - მუსიკის თანხლებით „ ტყე შეუნახე შვილებსა...“(ხალხური).(2-3 წთ).

აქტივობა # 4 . ჯგუფური მუშაობა : სიტუაციური ამოცანის „დავეხმაროთ დედამიწას ” -       დასრულება . (10-15წთ.)    

                                        ,, დედამიწა ავად გახდა ”

-         ამ ქვეყნად ცხოვრობდა ერთი პატარა გოგონა , რომელიც ძალიან ცნობისმოყვარე იყო. თუ მისი თანატოლები თოჯინებით ირთობდნენ თავს , მისი საყვარელი სათამაშო „გლობუსი“ იგივე დედამიწა იყო. გლობუსით თამაში ძალიან საინტერესო იყო რადგან გოგონა მისი დახმარებით ბევრ ახალ უცნაურ აღმოჩენას აკეთებდა. მან აღმოაჩინა რომ , დედამიწაზე წყალი ბევრად მეტია , ვიდრე ხმელეთი.

-         ერთ დღეს „დედამიწამ“ ფერი დაკარგა , სუნთქვა შეეკრა და ცუდად გახდა.

-         დედამიწა ავად გახდა!დედამიწა ავადაა! - ატყდა განგაში...

-         გოგონამ ავადმყოფი სასწრაფოდ ლოგინში ჩააწვინა და მის მოვლას შეუდგა.

-         თქვენი აზრით , რა სჭირდება დედამიწას რომ გამოჯანმრთელდეს?                

-         როგორ გადავარჩინოთ ჩვენი პლანეტა?

-         ასახული ეპიზოდი თქვენი ფანტაზიით გადმოეცით ნახატის სახით.

აქტივობა #5 .  ასფალტზე ხატვა.( 15 წთ.)

 აქტივობა # 6 . საკლასო საუბარი - ბავშვების ნამუშევრების დაყრდნობით.

-         დისკუსია საკითხის ირგვლივ

აქტივობა # 7 . გაკვეთილის შეჯამება - დასკვნის გამოტანა ,ფაქტების შეჯერება.

აქტივობა # 8 . შემაჯამებელი შეფასება , ნამუშევრის შეფასება .

დასკვნა: ჩატარებული აქტივობებიდან გამომდინარე მოსწავლეებმა გააცნობიერეს გარემოს მნიშვნელობა და გაითავისეს თავიანთი როლი გარემოს დაცვის საქმეში.მიეჩვივნენ შემოქმედებით პროცესში ჩართულობას და საკუთარი ფანტაზიით ნამუშევრების შექმნას.

საგნებთან- ეროვნულ სასწავლო გეგმასთან კავშირი:

v  ხელოვნება

v  მუსიკა

v  ქართული

v  ბუნება.

კლასი :  მე - 4.

მოსწავლეთა ასაკი : 8 -9 წელი.

ვადები, ხანგრძლივობა : 2 თემატური ერთეული.

რესურსი  - გლობუსი , ფორმატის ფურცლები , ფერადი ფანქრები , კალამი , დაფა ,ფერადი  ცარცი , სტიკერები , მაგნიტოფონი.

პროექტ-გაკვეთილის ხელმძღვანელი: დაწყებითი კლასის მასწავლებელი სოფიო შეროზია.